Այսօր Ապրիլյան պատերազմի հերոսներ Սասուն Մկրտչյանի,Սարգիս Խալաֆյանի, Ռուդիկ Մովսեսյանի ծննդյան օրն է

Բանակ 10.06.2019   13:00   159

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Այսօր Ապրիլյան պատերազմի հերոս Սասուն Մկրտչյանի ծննդյան օրն է. նա կդառնար 30 տարեկան:

Սասուն Մկրտչյանը ծնվել է 1989 թ.-ին, Երևանում: 10 տարեկանից զբաղվել է Մուայ թայ սպորտաձևով: Մասնակցել է բազմաթիվ մրցույթների և պարգևատրվել տարբեր մեդալներով ու պատվոգրերով:

Վերջին տարիներին Սասունը հանդիսանում էր ֆեդերացիայի անդամ, ինչպես նաև մրցավար և մեկնաբան: 2007-2009 թթ անցել է պարտադիր ժամկետային ծառայության Շամշադինի զորամասում: 2011-2014 թթ ծառայել է Խաղաղապահ զորքերում:

2014 թ.-ից ծառայության է անցել ՀՀ Պաշտպանության նախարարության հատուկ նշանակության բրիգադում և 4-րդ հատուկ նշանակության ջոկատում՝ որպես հետախույզ-գնդացրորդ: Մասնակցել է օպերատիվ ուղղության ուսումնասիրմանը, մարտական հերթապահությանը և հատուկ միջոցառումների կատարմանը:

Պարբերաբար մեկնում էր Արցախ՝ ծառայություն իրականացնելու։ Ապրիլի 1-ին հերթական անգամ ծառայությունն իրականացնելուց հետո վերադարձել է Արցախից։ Սակայն սահմանից հակառակորդի ակտիվության մասին լուրերը ստանալուն պես ապրիլի 2-ի առավոտյան Սասունին ևս կանչեցին առաջնագիծ։ Թալիշի դիրքը հետ գրավելիս Սասունի գնդացիրը փչացել է։ Զինակցից զենք է խնդրել, սակայն հրամանատարը չի թույլատրել։

Սասունը խնդրել է զինակցին վառել կրակայրիչը և սկսել է քանդել գնդացիրը։ Այդ ընթացքում հասցրել է  վիրավոր ընկերներին հանել առաջնագծից և կրկին շտապել վերադարձնել կորցրած դիրքերը: Ապրիլի 2-ի լույս 3-ի գիշերը Թալիշի դիրքերը հետ գրավելու ժամանակ որովայնի շրջանում ստացել է ծանր հրազենային վիրավորում։ Զինակից ընկերները նրան իջեցրել են դիրքերից և հանձնել շտապօգնությանը, սակայն Սասունի կյանքը փրկել չի հաջողվել։

Սասուն Մկրտչյանը հետմահու պարգևատրվել է ԱՀ «Մարտական ծառայության» մեդալով:

Հետմահու պարգևատրվել է ՀՀ «Մարտական խաչ» 1-ին աստիճանի շքանշանով:

Картинки по запросу soldier

Այսօր Ապրիլյան պատերազմի հերոս Սարգիս Խալաֆյանի ծննդյան օրն է. նա կդառնար 52 տարեկան:

 Սարգիս Խալաֆյանը ծնվել է 1967 թ.-ին, Երևանում: 1974-1984 թթ սովորել է Եղիշե Չարենցի անվան թիվ 67 դպրոցում: Ավարտելուց հետո սովորել է Երևանի թիվ 20 արհեստագործական ուսումնարանում՝ ստանալով խոհարարի մասնագիտություն: 1985-1987 թթ ծառայել է ԽՍՀՄ Զինված ուժերում: Որպես կամավոր՝ 1990-ականներին նույնպես մասնակցել է Արցախյան ազատամարտին, որից վերադարձել է երկրորդ կարգի հաշմանդամությամբ:

2016թ.-ի ապրիլին կամավոր մեկնել է ռազմաճակատ, ակտիվորեն մասնակցել մարտական գործողություններին՝ ցուցաբերելով խիզախություն և արիություն: Զոհվել է ապրիլի 4-ին մարտական դիրքը պաշտպանելիս:

Մերօրյա հերոսը «Փառապանծ մարտիկներ» ռազմահայրենասիրական ՀԿ-ի կողմից պարգևատրվել է «Փառապանծ մարտիկ» մեդալով, «Ազատամարտիկ» ռազմահայրենասիրական բարեգործական ՀԿ-ի կողմից՝ «Ազատամարտիկ» մեդալով, «Անմար կրակներ» ռազմահայրենասիրական բարեգործական ՀԿ-ի կողմից՝ «Հայոց արծիվ» մեդալով, «Մեծն Տիգրան» աշխարհազորային գնդի կողմից՝ «Մեծն Տիգրան» մեդալով, ստացել «Արաբո» հուշամեդալ: 2006 թ.-ին պարգևատրվել է ՀՀ «Մարտական ծառայություն» մեդալով: 2008 թ.-ին պարգևատրվել է ՀՀ ՊՆ «Վազգեն Սարգսյան» մեդալով: Նույն տարում պարգևատրվել է ՀՀ ՊՆ «Մարշալ Հ․Ք․ Բաղրամյանի անվան» մեդալով:

Հետմահու պարգևատրվել է ՀՀ «Արիություն» և ԱՀ «Մարտական ծառայություն» մեդալներով:

Картинки по запросу Սարգիս Խալաֆյան

Այսօր Ապրիլյան պատերազմի հերոս Ռուդիկ Մովսեսյան ծննդյան օրն է. նա կդառնար 43 տարեկան: 

Ռուդիկ Մովսեսյանը ծնվել է 1976 թ.-ին, Ստեփանակերտում: Ժամկետային ծառայությունն ավարտելուց հետո մնացել է Պաշտպանության բանակում՝ որպես սպա: 22 տարի ծառայել է Զինված ուժերում, հետախույզ էր: Ռուդիկ Մովսեսյանը ամուսնացած էր, ուներ երկու երեխա:

Մայոր Մովսեսյանն արիաբար զոհվել է 2016 թ.-ի ապրիլի 4-ին` հակառակորդի անօդաչու սարքի պայթյունից առաջացած բեկորներից ստացած վնասվածքներից: Մովսեսյանը, նկատելով անօդաչու սարքը, ինտենսիվորեն կրակ է բացել, որի արդյունքում անօդաչուն փոխել է  իր ուղղությունը,  հարվածել է պատին ու պայթել:

Հետմահու պարգևատրվել է ՀՀ «Մարտական ծառայություն» մեդալով: 

Похожее изображение

 Լուսանկարներ

  Կիսվեք սոցցանցերում


 Պիտակներ
         Ռուդիկ Մովսեսյան, Սասուն Մկրտչյանի, Ապրիլյան պատերազմ, Սարգիս Խալաֆյանի

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon