«ՀԺ». Դատախազու­թյունը պահանջում է նախկին քաղբանտարկյալի անմեղությունը

Մամուլ 25.01.2019   09:05   195

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

ՀՀ գլխավոր դատախազու­թյունը Վճռաբեկ դատարա­նից պահանջում է հռչակել Մարտի 1-ի իրադարձու­թյուններին մասնակցելու համար դատապարտված նախկին քաղբանտարկյալ Արամ Բարեղամյանի ան­մեղությունը:

Դեռևս 2018 թվականի դեկտեմ­բերին հայտնի դարձավ, որ Բարեղամյանի գործով ՀՀ գլխավոր դա­տախազությունը նոր երևան եկած հանգամանքով վերանայման վա­րույթ հարուցելու մասին որոշում է կայացրել: Բարեղամյանը մեղա­վոր էր ճանաչվել իշխանության ներկայացուցչի նկատմամբ բռնու­թյուն գործադրելու և նրա առողջու­թյանը ծանր մարմնական վնաս­վածք պատճառելու համար և դատապարտվել 6 տարվա ազա­տազրկման: Իշխանության ներկա­յացուցիչ հանդիսացող առանցքա­յին տուժող Մալաթիայի նախկին փոխոստիկանապետ, գնդապետ Գագիկ Քամալյանը 10 տարի անց մտքափոխվել է և հայտարարել, թե իրականում չի իմացել և չգիտի իրեն հարվածողը եղել է Արամ Բա­րեղամյանը, թե այլ անձ:

- Պարոն Բարեղամյան, ձեզ համար սպասելի՞ էր, որ տուժող ճանաչված նախկին փոխոստիկանապետը 10 տարի անց կփո­խի իր ցուցմունքը:

- Ես համոզված եմ, որ ոչ միայն իմ գործը, այլև Մարտի 1-ի բոլոր գործերը վերանայվելու են: Նամա­նավանդ իմ գործով որպես ապա­ցույց դրվել էր մեկ ոստիկանի ցուց­մունք, և այդ ցուցմունքով էլ չէր ապացուցվում իմ մեղավորությու­նը: Իրեն պետք է հիմա հարցնել, թե ինչպե՞ս է պատահել, որ հիմա չի պնդում, որ Արամ Բարեղամյանն է իրեն հարվածել, կարող է 10 տարի իր խիղճը տանջել է, չգիտեմ: Իր տված ցուցմունքը անգամ դա­տաքննության ընթացքում չապա­ցուցվեց, պարզապես հանեց, այն­պես Ազարյանը դրեց դատեց (դա­տավոր Ալեքսանդր Ազարյանի մա­սին է խոսքը,- հեղ.), ասել էին Արամը պետք է դատվի ու դատեցին:

- Պահանջելո՞ւ եք, որպեսզի ձեր դեմ ցուցմունք տված անձը պա­տասխանատվության ենթարկվի:

- Ժամանակից առաջ չընկ­նենք, էդ վճիռը կգա, դրանից հե­տո նոր կխոսենք: Այս հեղափո­խությունից հետո երկրորդ կար­ծիք չկա, որ Մարտի 1-ը բացահայտվելու է, և իրական մեղավոր­ները պատժվելու են:

- Դուք հիմա Մարտի 1-ի գործի շրջանակում ի՞նչ կարգավիճակ ունեք:

- Հեղափոխությունից հետո ես կանչվել եմ ՀՀ հատուկ քննչական ծառայություն և ինձ խոշտանգելու դեպքով ճանաչվել եմ տուժող: Այդ գործը միացրել են Մարտի 1-ի գոր­ծի հետ: Բացի այդ, ես տուժել եմ Մարտի 1-ի լուսադեմին, առաջին հարված ստացողը սև համազգեստավորների կողմից ես եմ եղել:

- Ոստիկաննե՞րն էին հարվա­ծում:

- Այդտեղ մի քանի բարձրաստի­ճան ոստիկաններ են եղել, մնացա­ծը եղել են սև համազգեստով մար­դիկ, որ պարզ չի, թե դրանք ովքեր են, հիմա այդ հարցը դեռ ոչ մեկը չի բարձրաձայնում: Այս քննությամբ պետք է բացահայտվի, թե լուսադեմին հարձակվողներն ովքեր են եղել։

- Ինչո՞վ են ձեզ հարվածել:

- Մահակով հարվածել են գլխիս, ուշաթափվել ընկել եմ: 7 օր հիվանդանոցում պառկել եմ, ինձ հիվանդանոցից են ձերբակալել։ Սկզբում տարան Միրզոյան Անդրանիկի մոտ (ՀՔԾ նախկին պետ.- հեղ.), հետո տարան մի քննիչի մոտ. Վահագն Հարությունյանն այդ ամբողջ ընթացքում էդ սենյակում է եղել, փորձում էին ցուցմունք կորզել ինձնից:

- Վահագն Հարությունյանը մամուլին տված վերջին հարցազրույցներից մեկում նշել է, որ իր դեմ ցուցմանք տվածներից մեկը դուք եք։

- Այո, ես ասել եմ այն, ինչ ի կանում կա:

- Հարությունյանը ձեր նկատմամբ բռնություն գործադրե՞լ է, որովհետև ինքը հերքում է։

- Այո, բա կարող է ասեր ես եղե՞լ:

- Մասնավորապես, ի՞նչ գործողություններ է արել:

- Քանի որ քննություն է գնում եկեք մանրամասներից չխոսենք։

- Միայն ի՞նքն է եղել բռնություն գործադրողների մեջ:

- Ոչ, ոչ այլ անձինք էլ են եղել, պարզապես նախաքննական գաղտնիքից ելնելով չեմ կարող ասել:

Ամբողջական՝ թերթի օրվա համարում

 Լուսանկարներ

  Կիսվեք սոցցանցերում


 Պիտակներ
         Արամ Բարեղամյան, Մարտի 1-ի գործ, «Հայկական ժամանակ», Վահագն Հարությունյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon