ՀՔԾ պետը՝ Գեղամ Պետրոսյանին մեղադրանք առաջադրելու մասին

Մարտի 1 10.06.2019   14:50   209

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Հայաստանի Հանրապետության հատուկ քննչական ծառայության պետ Սասուն Խաչատրյանն ընդգծում է, որ 2008 թվականի Մարտի 1-ի իրադարձությունների ժամանակ Զաքար Հովհաննիսյանի սպանության համար ոստիկանության զորքերի շտաբի նախկին պետ Գեղամ Պետրոսյանին մեղադրանք առաջադրելու համար կա ապացույցների բավարար համակցություն: Ինչպես հաղորդում է, այս մասին Սասուն Խաչատրյանն ասաց Ազգային ժողովում լրագրողների հետ զրույցում:

«Քրեական դատավարության օրենսդրության համաձայն՝ որպես մեղադրյալ ներգրավելու հիմքն ապացույցների բավարար համակցությունն է: Այսինքն, այդ համակցության առկայության դեպքում է հնարավոր միայն անձին որպես մեղադրյալ ներգրավել և նրա նկատմամբ խափանման միջոց կիրառել: Դուք գիտեք, որ դատարանը բավարարել է նրա նկատմամբ կալանավորումը որպես խափանման միջոց կիրառելու միջնորդությունը: Դատարանը խափանման միջոց կիրառելիս, հատկապես կալանքի դեպքում, պատասխանում է երկու հարցի՝ կա՞ խափանման միջոց կալանք կիրառելու պայմանը, այսինքն՝ հիմնավոր կասկածը և  կա՞ խափանման միջոցի հիմքը, այսինքն՝ խուսափելու, քննությանը խոչընդոտելու հիմքերը:  Դատարանը գտել է, որ առկա է և՛ պայմանը, այսինքն՝ հիմնավոր կասկածը, և՛ հիմքը: Այսքանից ավել չեմ ցանկանում ոչինչ ասել՝ ելնելով նախաքննության շահերից»,- ասաց Խաչատրյանը:

Հարցին, կարո՞ղ ենք ասել, որ սա կբերի նաև 2008 թվականի Մարտի 1-ի իրադարձությունների ժամանակ տեղի ունեցած  մյուս սպանությունների բացահայտմանը ևս, Սասուն Խաչատրյանը պատասխանեց.  «Ես հույս ունեմ, որ հենց այդպես էլ կլինի»:

Հիշեցնենք, Գեղամ Պետրոսյանին մեղադրանք է առաջադրվել ՀՀ քրեական օրենսգրքի 104 հոդվածի 1-ին մասի հատկանիշներով (Սպանությունը՝ ապօրինաբար մեկ ուրիշին դիտավորությամբ կյանքից զրկելը):

Հունիսի 7-ին Երևան քաղաքի ընդհանուր իրավասության դատարանը՝ դատավոր Գագիկ Պողոսյանի նախագահությամբ, որոշում է կայացրել բավարարել Գեղամ Պետրոսյանին երկու ամսով կալանավորելու ՀՔԾ-ի միջնորդությունը:

 Լուսանկարներ

  Կիսվեք սոցցանցերում


 Պիտակներ
         Սասուն Խաչատրյան, Մարտի 1-ի գործ, Զաքար Հովհաննիսյան, Գեղամ Պետրոսյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon