Փաշինյան. 2019 թվականին Հայաստանը պետք է ունենա 2019 թվականի Սահմանադրական դատարան (տեսանյութ)

Կարևոր 17.07.2019   20:00   266

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

ՀՀ վարչապետ Նիկոլ Փաշինյանը բացառիկ հարցազրույց է տվել «Ազատություն» ռադիոկայանի հայկական ծառայության տնօրեն Հրայր Թամրազյանին: Ստորև ներկայացնում ենք հարցազրույցից մի հատված, ինչպես նաև ամբողջական տեսագրությունը:

«Ազատություն»․ - Ձեր առաջին ընտրություններից հետո անցել է ավելի քան 1 տարի 2 ամիս: Շուրջ 14 ամիս Դուք նաև երկրորդ անգամ ընտրվեցիք խորհրդարանական ընտրություններից հետո՝ դեկտեմբերի 9-ին: Եվ այս 14 ամիսների ընթացքում եթե առանձնացնեիք ո՞րն է Ձեր ամենամեծ, ամենակարևոր ձեռքբերումը:

Փաշինյան․ - Կարծում եմ իմ քաղաքական կենսագրությունը կանխորոշում է պատասխանը, որովհետև իմ ընկալմամբ ամենամեծ ձեռքբերումը ժողովրդավարությունն է և Հայաստանի ժողովրդավարական իմիջը և այն, որ ժամանակակից աշխարհում Հայաստանը անառարկելիորեն համարվում է ժողովրդավարական երկիր: 2018 թվականին Հայաստանում տեղի ունեցան ժողովրդավարական ընտրություններ, որոնց արդյունքները առաջին անգամ ո՛չ դե յուրե, ո՛չ հանրայնորեն չվիճարկվեցին: Սա բացառիկ իրադարձություն է Երրորդ Հանրապետության պատմության մեջ և ես այն կհամարեի հիմնական հաջողությունը:

Մայիսի 8-ին ես հանդես եկա ասուլիսով, որտեղ ներկայացրեցի 100 փաստ Նոր Հայաստանի մասին, որտեղ կան տնտեսական բնույթի, հակակոռուպցիոն հարթության պնդումներ: Այդ ամեն ինչը հիմա կրկնելու, կարծես, պատեհություն չկա, դա հրապարակված է: Ամենամեծը և ամենակարևորը, ֆունդամենտալը ես համարում եմ ժողովրդավարությունը՝ այստեղից բխող ճյուղերով՝ հակակոռուպցիոն պայքար, օրենքի առաջ մարդկանց հավասարություն, մենաշնորհների վերացում և ի վերջո՝ քաղաքացու ինքնազգացողությունը, որ ինքն է ձևավորում Հայաստանում իշխանություն:

Եվ գիտեք՝ շատ կարևոր եմ համարում, որ այս ընթացքում տեղական ինքնակառավարման մարմինների և ընդհանրապես ընտրական պրոցեսում հաղթանակներ արձանագրել է ոչ միայն իշխանությունը, հեղափոխական թիմը, այլև ընդդիմությունը: Եվ մենք շնորհավորել ենք անկախ նրանից՝ համաձայն ենք ընտրության արդյունքների քաղաքական բովանդակության հետ, թե ոչ: Մենք հարգանքով ենք վերաբերվել և դա համարում ենք ամենամեծ առաքելությունը, որ Հայաստանի Հանրապետության քաղաքացին իրեն զգա իրավատեր: Առնվազն քաղաքական մակարդակում մենք դա արել ենք, հիմա հերթն է, որ դա նաև դատաիրավական հարթության և մնացած բոլոր հարթություններում տեղի ունենա:

«Կա արդյոք այսօր Հայաստանում վատ կառավարում, իհարկե կա»

«Ազատություն»․ - Պարոն վարչապետ, վերջին հասարակական հարցումների համաձայն, փաստորեն, «Իմ քայլը» կստանար շուրջ 60 տոկոս, եթե այդ ընտրությունները անցկացվեին հիմա: Սա բավական մեծ թիվ է և կարող ենք ասել՝ մեծ առավելություն մյուս ուժերի նկատմամբ, բայց մյուս կողմից մենք տեսնում ենք, որ այս ցուցանիշը 10 տոկոսով ավելի ցածր է, քան անցած տարվա հոկտեմբերին անցկացված նման մի հարցման արդյունքները: Հիմա ինչպե՞ս կբացատրեք սա, ի՞նչ է տեղի ունեցել:

Փաշինյան․ - Չգիտեմ ինչ հարցում նկատի ունեք՝ Դուք 70 տոկոս ասելով նկատի ունեք Հայաստանի խորհրդարանական ընտրություններում մեր հավաքած ցուցանիշը․․․

«Ազատություն»․ - Հենց նույն հարցման մասին է խոսքը:

Փաշինյան․ - Ճիշտն ասած ոչ բոլոր հարցումներին եմ ծանոթ: Ես կարող եմ ասել հետևյալը․ գիտեք, որ Կառավարությունը աշխատանքային հարցումներ է իրականացնում և խորհրդարանական ընտրություններից առաջ ինձ բերած վերջին հարցումը կանխատեսում էր «Իմ քայլը» դաշինքին 60 տոկոս, բայց ընտրությունների արդյունքում մենք ստացանք 70 տոկոս ձայն: Ի՞նչ բացատրություն սա ունի․ որովհետև հարցմանը մասնակցում է ռեսպոնդենտների 100 տոկոսը, իսկ ընտրություններին մասնակցում է ընտրողների ոչ 100 տոկոսը: Եվ ինձ համար մեր հարցումներով, որոնցից այս ընթացքում ես միշտ օգտվում եմ, դա որոշակի մեխանիզմներով է արվում, այդ հարցումներում մենք այդպիսի տատանումներ չենք արձանագրել:

«Ազատություն»․ - Պարոն վարչապետ, Ձեզ քննադատում են վատ կառավարման համար: Ես կրկին վկայաբերեմ այս նույն հարցումը՝ սա Միջազգային հանրապետական ինստիտուտի անցկացրած հարցումն է, իրականում նրանց կողմից հանձնարարված հարցում է: Եվ կարծիք կա, նաև ընդդիմության շրջանում, որ վատ կառավարում է, կառավարման որակը բարձր չէ, մասնավորապես՝ թիրախավորվում է կադրային քաղաքականությունը: Հարցվածների 22 տոկոսն ասում է՝ bad management (վատ կառավարում): Դա է ամենամեծ բացթողումը կառավարության: Պետք է, իհարկե, նշել, որ 27 տոկոսն էլ ասում է՝ ոչ մի ձախողում էլ չկա: Իսկ Ձեր գրասենյակը՝ վարչապետի գրասենյակը, շատ բարձր վարկանիշ ունի՝ 70 տոկոսը հարցվածների ասում է, որ շատ լավ են աշխատում:

Բայց ի՞նչ է սա նշանակում: Կարծիք կա, որ Ձեր կաբինետը անփորձ է և ամեն ինչ Ձեր ուսերի վրա է: Այս թվերը կարող են այդ մասին վկայել: Ի՞նչ կարող եք ասել:

Փաշինյան․ - Եկեք ես հարցի բուն բովանդակությանը պատասխանեմ: Կա՞ արդյոք այսօր Հայաստանի Հանրապետությունում վատ կառավարում: Իհարկե՝ կա:

Ի՞նչ կապ ունի դրա հետ այսպես ասած՝ նոր, երիտասարդ թիմը: Եկեք պատկերացնենք կառավարման համակարգը: Դա 1-2 տոկոս նոր եկած երիտասարդ թիմ է և 98 տոկոս կառավարման էն համակարգը, որ մենք ունեցել ենք նաև իշխանափոխությունից առաջ: Բայց այստեղ պրոբլեմը ոչ այնքան, ոչ միայն, որոշ դեպքերում, մարդկային է, որովհետև էս կառավարման համակարգը ի վերջո գոյություն է ունեցել շատ երկար տարիներ, այլև համակարգային:

Որովհետև, տեսեք, մենք ասում ենք, որ մենք պայքարում ենք կոռուպցիայի դեմ, մենք ասում ենք, որ կոռուպցիան վատ երևույթ է, բայց մեզանից քչերն են նկատում, որ կոռուպցիան նաև կառավարման որոշակի համակարգ է: Որովհետև, որպես պետական պաշտոնյա, ես պետք է ընտրություն կատարեմ, թե ինչ ընթացք տամ այս մի բաժակ ջրի հետ կապված հարցին կամ պոտենցիալ հավակնորդներից ում վերապահեմ այս մի բաժակ ջուրը կառավարելու իրավունքը: Երբ որ կա կոռուպցիոն համակարգ, խնդիրը պարզ է՝ ով շատ տվեց, նրան էլ տալիս ենք էս ջուրը: Իսկ երբ չկան կոռումպացված համակարգեր և կառավարությունը ստիպված է գործել օրենքներով, պարզվում է շատ օրենքներ գոյություն ունեն, բայց իրենք գոյություն են ունեցել Վենետիկի հանձնաժողովի և այլ կառույցների համար, բայց իրենք իրականության փորձաքննությունը չեն ունեցել:

Եվ հիմա, երբ որ դու փորձում ես աշխատել օրենքով, պարզվում է, որ այդ օրենքը աշխատելու համար չէ, այդ օրենքը ցույց տալու համար է: Աշխատելու հիմնական մեթոդը եղել է կոռուպցիան:

Էսօր մենք ունենք իրավիճակներ, երբ որ կան դեպքեր, երբ որ կառավարման համակարգում կոնկրետ ընթացք չի տրվում հարցերին նաև տրամաբանությամբ, որովհետև շատ մարդիկ սովոր են կոռուպցիայով աշխատել: Երբ որ չկա այդ համակարգը, նրանք ուղղակի չեն հասկանում՝ բա ո՞նց աշխատել, ի՞նչ սկզբունքով աշխատել:

Կա նաև հակառակը՝ երբ որ կան մարդիկ, ովքեր ունեն բավարար կամք՝ կայացնել որոշումներ, նրանք էլ շատ դեպքերում որոշում չեն կայացնում, ասում են՝ բա որ էս որոշումը կայացնենք, ասեն՝ ըհը, ստեղ մի բան կա, բա էս ընչի՞ ես որոշել, էս շինարարության թույլտվությունը որ տվեցիր, էս ինչի՞ տվեցիր էս շինարարության թույլտվությունը կամ էս կարգի այլ բաներ:

Եվ էս իրավիճակները էսօր մեր ամենամեծ մարտահրավերն են: Կա՞ այսօր արդյոք Հայաստանում վատ կառավարում՝ այո՛, կա: Բայց այդ վատ կառավարումը՝ ասում են կադրային քաղաքականությունը․․․ ասեմ Ձեզ, որ ընդհանրապես մեր քաղաքական թիմը այն քաղաքական թիմն է, որը ապահովել է Հայաստանի Հանրապետությունում ոչ բռնի, թավշյա հեղափոխության հաղթանակը: Այդ քաղաքական թիմը կարողացել է ինչ֊որ առումով առաջնորդել ժողովրդին և այդ քաղաքական թիմը շարունակում է առաջնորդել ժողովրդին և վայելում է ժողովրդի վստահությունը: Եվ այդ քաղաքական թիմը ունի բավարար հմտություններ երկիրը կառավարելու:

Բայց որ մենք ունենք վատ կառավարման պրոբլեմ՝ իհարկե այդպես է, բայց դա առաջին հերթին մեր օրակարգի խնդիրն է և մենք անընդհատ աշխատում ենք դրա վրա:

Ամբողջական՝ տեսանյութուն

 

 Լուսանկարներ

  Կիսվեք սոցցանցերում


 Պիտակներ
         հարցազրույց, Նիկոլ Փաշինյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon