Փաշինյան. «Ես որ ՀՀԿ-ին ասում էի, որ «դուք գեյ ակտիվիստ եք», իրենք չէին հավատում»

Քաղաքական 09.04.2019   11:50   274

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

«Ես որ ՀՀԿ-ինասում էի, որ «դուք գեյ ակտիվիստ եք», իրենք չէին հավատում, իրենք էդ կարգավիճակից չեն կարող խուսափել», - այսօր լրագրողների հետ ճեպազրույցում ասաց վարչապետ Նիկոլ Փաշինյանն՝ անդրադառնալով օրերս Ազգային ժողովի Մարդու իրավունքների հանձնաժողովի լսումների ժամանակ տրանսգենդերի ելույթին հաջորդած աղմուկին, փոխանցում է Ազատությունը:

Վարչապետը ընդգծեց՝ 2015 թվականին «Հայաստանի պահպանողական իշխանությունը, ընտանեկան արժեքների և ավանդական արժեքների պահապան իշխանությունը» Հայաստանի Հանրապետության քաղաքացի Վաղարշակ Մարտիրոսյանի անձնագիրը վերցրել է և իրեն տվել է Հայաստանի քաղաքացի Լիլիթ Մարտիրոսյանի անձնագիր՝ նրան օժտելով ՀՀ քաղաքացու բոլոր իրավունքներով և պարտականություններով։

«Ես ինչքան հասկացա, Հանրապետական կուսակցության ինչ-որ ներկայացուցիչներ հիմա շատ ակտիվ էդ թեման քննարկում են և իշխանության առաջ հարց են դնում, թե «էս ի՞նչ է կատարվում» և այլն։ Ես ուզում եմ ասել հետևյալը՝ 2015 թվականին Հայաստանի պահպանողական իշխանությունը, ընտանեկան արժեքների և ավանդական արժեքների պահապան իշխանությունն, ինչպես իրենք են իրենց անվանում, Հայաստանի Հանրապետության քաղաքացի Վաղարշակ Մարտիրոսյանի անձնագիրը վերցրել է և իրեն տվել է Հայաստանի քաղաքացի Լիլիթ Մարտիրոսյանի անձնագիր, ընդ որում գրել է Լիլիթ Մարտիրոսյան, սեռն՝ արական, հիմա հանրապետականների մեջ ընդունված բա՞ն է, որ արական սեռի ներկայացուցիչների անունը Լիլիթ է։ Այն պահին, երբ ՀՀ իշխանությունն էդ մարդուն տվել է ՀՀ քաղաքացու անձնագիր Լիլիթ Մարտիրոսյան, սեռն՝ արական, նրան ընդգրկել է ընտրական ցուցակների մեջ, ուրեմն նրան օժտել է ՀՀ քաղաքացու բոլոր իրավունքներով և պարտականություններով։ Ես որ իրենց ասում էի, որ «դուք գեյ ակտիվիստ եք», իրենք չէին հավատում, իրենք էդ կարգավիճակից չեն կարող խուսափել, և սա ևս մեկ ապացույց է, էդ ում են եկել ինչի մեջ մեղադրում», - ասաց Փաշինյանը։

Վարչապետն  ասաց, որ խնդրի շուրջ գրավոր բացատրություն է պահանջել Պետական պահպանության ծառայությունից։

«Ինձ տվել են փաստաթուղթ, որ քաղաքացիների ցուցակը տվել է Նաիրա Զոհրաբյանը, ստորագրել է և էդ ցուցակով մարդիկ ընդգրկվել են», - ասաց Փաշինյանը՝ շարունակելով. - «Դա Մարդու իրավունքների պաշտպանության հանձնաժողովի նիստ էր։ Հիմա բոլոր թող պատասխանեն՝ հանրապետականները, բարգավաճականները, հոգևորականները, պահպանողականները Լիլիթ Մարտիրոսյանը մարդ է, թե՞՝ մարդ չէ, եկեք սկսենք այս եզրույթից, երկրորդն՝ այն պահվածքը, որը ցուցաբերում է Ազգային ժողովի մարդու իրավունքների պաշտպանության հանձնաժողովի նախագահը դա ընդհանրապես կասկածի տակ է դնում մարդու իրավունքների վիճակը, և այս պրովոկացիայի կազմակերպման արդյունքում կարծում եմ, որ ԲՀԿ-ն պետք է մտածի ընդհանրապես Մարդու իրավունքների պաշտպանության հանձնաժողովում իրենց ներկայացրած հանձնաժողովի նախագահն արդյո՞ք Մարդու իրավունքների պաշտպանության հանձնաժողովի նախագահ է և ինքը համապատասխանո՞ւմ է Մարդու իրավունքների պաշտպանության հանձնաժողովի նախագահ լինելու համար անհրաժեշտ նվազագույն չափանիշներին, թե՞ ամբողջ խնդիրը նա է, որ կազմակերպել պրովոկացի, սա քաղաքական պրովոկացիա է և թիրախներն ուղղել «Իմ քայլը» խմբակցության դեմ», - ասաց Փաշինյանը։

Հիշեցնենք, որ ԱԺ նիստերի դահլիճում ընթացող մարդու իրավունքների խնդիրներին նվիրված լսումների ժամանակ ամբիոնին էր մոտեցել «Իրավունքի կողմ» ՀԿ ներկայացուցիչ Լիլիթ Մարտիրոսյանը, որը, պարզվել է, տրանսգենդեր է:

Նա իր ելույթում նշել է, որպեսզի «իրեն ընդունեն որպես հավաքական կերպար, որն իր մեջ ամփոփում է խոշտանգված, բռնաբարված, առեւանգված, ֆիզիկական բռնության ենթարկված, այրված, ողջակիզված, դանակահարված, սպանված եւ արժանապատիվ կյանքի բոլոր ոլորտներում խարանի ու խտրականության ենթարկված, գործազուրկ, աղքատ ու բարոյապես լքված հայ տրանսգենդերի կերպարը»:

Տրանսգենդերի ելույթից հետո Նաիրա Զոհրաբյանը նկատողություն էր արել օրակարգից դուրս թեմաներ քննարկելու համար, և դուրս հրավիրել նիստերի դահլիճից: ԲՀԿ խմբակցության առանձին պատգամավորներ և ֆեյսբուքյան մի շարք օգտատերեր քննադատեցին, որ թույլ է տրվել տրանսգենդերին մուտք գործել Ազգային ժողով:

 

 Լուսանկարներ

  Կիսվեք սոցցանցերում


 Պիտակներ
         Նաիրա Զոհրաբյան, ՀՀԿ, Նիկոլ Փաշինյան, Մարդու իրավունքներ, տրանսգենդեր, ԲՀԿ

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon