«Քոչարյանի՝ 1 օր ազատության մեջ գտնվելու արդյունքում տեսանք դատական համակարգի ճգնաժամը»

Մարտի 1 22.05.2019   10:20   227

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Factor.am-ի հարցազրույցը ՀԱԿ իրավական հանձնաժողովի համակարգող Արմեն Խաչատրյանի հետ

– Պարո՛ն Խաչատրյան, Երևանի ընդհանուր իրավասության դատարանը Ռոբերտ Քոչարյանի գործը կարճել և ուղարկել է Սահմանադրական դատարան։ Ընդհանուր իրավասության դատարանն այդ որոշման համար որպես հիմք է ներկայացրել երկրորդ նախագահի անձեռնմխելության հարցը և Քրեական օրենսգրքի 300.1 հոդվածի ու Սահմանադրության 72, 73 և 79 հոդվածների միջև հնարավոր անհամապասխանության կասկածը: Այդ հիմնավորումներն ընդունելի՞ են Ձեզ համար:

– Անձեռնմխելիության դեպքում մասնագետները բազմաթիվ անգամ տվել են հիմնավոր բացատրություններ, որ այդ իրավակարգավորումն այս դեպքում չէր կարող գործել, իսկ ՔՕ 300.1  հոդվածի դեպքում ակնհայտ է, որ դա արհեստական, շինծու և գործը ձգձգելու միտում ունեցող գործընթաց է:

– Գործը ձգձգելն ինչո՞ւ է անհրաժեշտ Ռոբերտ Քոչարյանին ու նրա պաշտպաններին:

– Ես չեմ կարող ասել, թե նրանք ի՞նչ մարտավարություն են մշակել, բայց երբ խոսքը գնում է Ռ.Քոչարյանի խափանման միջոցի փոփոխության մասին, բազմաթիվ անգամ ասել ենք, որ նա ոչ միայն խոչընդոտելու է գործի բնականոն ընթացքին, այլև շատ վտանգավոր ազդեցություն կարող է ունենալ թե՛ արդեն դատարանում քննվող անջատված մասի, թե՛ դեռևս նախաքննական փուլում գտնվող՝ Մարտի 1-ի հիմնական գործի քննության վրա, որպեսզի այս անգամ ևս գործը մնա չբացահայտված:

– Ռոբերտ Քոչարյանի կողմից ազդեցություն գործելու այդ կարծիքները չափազանցված չե՞ն:

– Ես կասեի՝ շատ ավելի մեղմ են ներկայացված, քան իրականում կարող է լինել: Ռ.Քոչարյանի՝ ընդամենը մեկ օր ազատության մեջ մնալուց հետո մենք տեսանք դատական համակարգում տիրող ճգնաժամը։ Բնականաբար, այդ ճգնաժամը շատ ավելի խորը արմատներ ունի, բայց մենք դատական համակարգում տեսնում ենք ոչ իրավական համախմբում: Եթե անգամ շրջանառվող լուրերն էլ համադրենք այս երևույթի հետ, կհասկանանք, որ այդ մեկ օրն էլ արդեն ազդեցություն թողել է։ Եվ այդ ազդեցությունը առնչվում է այս քրեական գործի արդյունքներին:

– Ասում եք՝ Ռ.Քոչարյանի ազդեցությունը շատ ավելի վտանգավոր կարող է լինել։ Ինչի՞ մասին է խոսքը:

– Ընդամենը մեկ օրինակ բերեմ, միայն անջատված մասով մոտ 800 վկա է լսվել: Պատկերացրեք, թե ինչքան մեծ կարող է լինել վկաների ցանկը հիմնական գործով: Ազատության մեջ մնալով՝ նա կարող է ազդեցություն ունենալ ցանկացած վկայի վրա: Եվ վկայի նկատմամբ գործադրած ապօրինի ազդեցությունը նրա մոտ ցուցմունք տալու վախ կառաջացնի: Իսկ դա կնպաստի, որ այս գործը հերթական անգամ մնա չբացահայտված: 

Ամբողջական՝  factor.am-ի տեսանյութում

 

 Լուսանկարներ

  Կիսվեք սոցցանցերում


 Պիտակներ
         Արմեն Խաչատրյան, Մարտի 1-ի գործ, ՀԱԿ, Ռոբերտ Քոչարյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon