Ռուբեն Մկրտչյան. Կառավարության նիստի ժամանակ մատուցվեց ապակողմնորոշող տեղեկատվություն

Կարևոր 15.07.2019   14:00   239

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

«Հուլիսի 11֊ին վարչապետ Նիկոլ Փաշինյանը կառավարության նիստի ժամանակ հայտարարություն արեց որ «․․սկսել է աշխատել Երևանի ֆիզիկայի ինստիտուտի տարածքում գտնվող ցիկլոտրոնը ․․․»։ Դրան հետևեց հետաքրքիր քննարկում, որը բացահայտեց, որ երկու տարբեր կարծիք կա կառավարությունում, մեկը շատ լավատեսական և մեկ այլ, շատ ավելի ողջամիտ։ Մի ուրիշ եզրակացությունն կայանում է նրանում, որ կառավարությանը մատուցվում են ոչ ճշգրիտ տեղեկություններ ցիկլոտրոնի հետ կապված խնդիրների մասին, և նույնիսկ հենց նիստի ժամանակ մատուցվեց այդպիսի մի ապակողմնորոշող տեղեկատվություն։

Կուզենայի ավելի մանրամասն այս հարցերը քննարկեմ, բայց այս պահին նշեմ Լևոն Զուրաբյանի  ֆեյսբուքում գրառումը, որտեղ նա քննադատում է ցիկլոտրոնի գործարկումը որպես մեծ նվաճում ներկայացնելը և նշում է Երևանի ֆիզիկայի ինստիտուտում ստեղծված ծանր իրավիճակը։

Զուրաբյանի հայտարարությանը միանշանակ կողմ եմ։ Մենք (ինստիտուտի մի խումբ գիտաշխատողներ) ինստիտուտի և ցիկլոտրոնի խնդիրների մասին մի քանի անգամ գրավոր դիմել ենք կառավարությանը, խնդրել ենք նաև մեզ ընդունել, բայց մեր փաստարկները որևէ քննարկման չարժանացան։ Հուսով եմ, որ հաշվի առնելով հանրության մեծ հետաքրքրությունն այս հարցի վերաբերյալ և կառավարության նիստի ընթացքում հենց բացահայտված խնդիրները, վարչապետ Նիկոլ Փաշինյանը, փոխվարչապետ Տիգրան Ավինյանը և նախարար Արայիկ Հարությունյանը վերջապես կհամաձայնեն, որ չի կարելի բավարարվել միակողմանի և թերի տեղեկատվություններով, որոնք իրենց ներկայացնում են ինստիտուտի հոգաբարձուների խորհրդի նախագահ Ներսես Երիցյանը, ինստիտուտի տնօրեն Անի Ապրահամյանը և Գիտության կոմիտեի նախագահ Սամվել Հարությունյանը, և կհանդիպեն ինստիտուտի այն գիտնականների հետ, որոնք ունեն այլ կարծիքներ այս հարցերի վերաբերյալ։ Այլապես հնարավոր չե գտնել այս բարդ խնդիրների իսկական լուծումներ։

Երևանի ֆիզիկայի ինստիտուտի և ցիկլոտրոնի խնդիրների որոշ մասի հետ ծանոթանալու համար կցում եմ մամուլում հրապարակված  իմ բաց նամակը՝ Նիկոլ Փաշինյանին»:

Երևանի Ֆիզիկայի ինստիտուտի նախկին տնօրեն՝ ֆ.մ.գ. դոկտոր 

Ռուբեն Մկրտչյան

 Լուսանկարներ

  Կիսվեք սոցցանցերում


 Պիտակներ
         Կառավարության նիստ, Լևոն Զուրաբյան, Ռուբեն Մկրտչյան, Նիկոլ Փաշինյան, ֆիզիկայի ինստիտուտ

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon