ՍԴ դատավորի պաշտոնում Վահե Գրիգորյանի առաջադրումն օրենքի խախտում չէ

Քաղաքական 03.06.2019   17:00   154

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Նախագահ Արմեն Սարգսյանը մայիսի 31-ին Սահմանադրական դատարանի դատավորի  պաշտոնում երկրորդ անգամ առաջադրեց փաստաբան Վահե Գրիգորյանի թեկնածությունը, հիշեցնում է Fip.am-ը:

Դեռևս նախորդ՝ 6-րդ գումարման Ազգային ժողովի ժամանակ Արմեն Սարգսյանն առաջադրել էր Վահե Գրիգորյանի թեկնածությունն այս պաշտոնում, սակայն վերջինս չէր ընտրվել (ՀՀԿ խմբակցության պատգամավորները չէին ներկայացել քվեարկությանը)։

Փաստաբանի երկրորդ առաջադրումն այս պաշտոնի համար համացանցում որոշ խոսակցությունների տեղիք է տվել՝ մասնավորապես իրավական տեսանկյունից։

«Լուսավոր Հայաստան» խմբակցության պատգամավոր Տարոն Սիմոնյանն այս առաջադրումը հակաօրինական է համարել․ «Նախագահը երկրորդ անգամ ներկայացրեց միևնույն թեկնածուին, և սա, մեր կարծիքով, օրենքի խախտում է, որովհետև օրենքում դա հստակ գրված է»։

«Սահմանադրական դատարանի մասին» օրենքում ՍԴ դատավորի թեկնածուի առաջադրման կարգում փոփոխություններ վերջերս են արվել։ Ըստ փոփոխությունների չորրորդ հոդվածի, «եթե Սահմանադրական դատարանի նոր դատավոր չի ընտրվում, ապա քվեարկությունից հետո՝ մեկամսյա ժամկետում, իրավասու մարմինն առաջադրում է Սահմանադրական դատարանի դատավորի նոր թեկնածու»։

Վահե Գրիգորյանի առաջադրումից հետո նախագահը ՍԴ թափուր պաշտոնի համար առաջադրել է մի քանի այլ թեկնածուներ ևս, որոնց նշանակմանը, սակայն, խորհրդարանը դեմ է քվեարկել։ Եթե օրենքում գրված լիներ՝ միևնույն անձի առաջադրումը արգելվում է, ապա Վահե Գրիգորյանի թեկնածության առաջադրումը կդիտարկվեր հակաօրինական, սակայն օրենքում նման ձևակերպում կամ սահամանփակում չկա։

Հետևաբար՝ Վահե Գրիգորյանի առաջադրումը Սահմանադրական դատարանի դատավորի պաշտոնի համար օրենքի որևէ նորմի խախտում չի հանդիսանում։

Հիշեցնենք, որ մայիսի 29-ին խորհրդարանը կրկին դեմ քվեարկեց Արթուր Վաղարշյանի թեկնածությանը, եզրափակում է Fip.am-ը:

Կարինե Կիրակոսյան
 

 Լուսանկարներ

  Կիսվեք սոցցանցերում


 Պիտակներ
         ՍԴ, Վահե Գրիգորյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon